कोल्हापूरात ग्रामीण आरोग्यसेवेचा गौरव : १५ डॉक्टरांना धन्वंतरी पुरस्कार, डॉ. वसंत पाटील यांना जीवन गौरव
कोल्हापूर ०७ प्रमोद पाटील
गावागावात मर्यादित साधनसामग्रीत रुग्णांची सेवा देणारे डॉक्टर अनेकदा चर्चेत येत नाहीत. कोल्हापूर डिस्ट्रीक्ट जनरल प्रॅक्टिशनर्स असोसिएशनने अशा ‘निःशब्द योद्ध्यां’चा गौरव करण्यासाठी ८ व्या वर्धापनदिनानिमित्त विशेष सोहळा आयोजित केला आहे.
हा सोहळा १२ एप्रिल रोजी फुलेवाडी येथील हॉटेल राहूल डिलक्स येथे सायंकाळी ४ वाजता पार पडणार असून, खासदार श्रीमंत शाहू महाराज आणि पालकमंत्री प्रकाश आबिटकर यांच्या प्रमुख उपस्थितीत डॉक्टरांचा सन्मान केला जाणार आहे.
या वेळी ‘केडीजीपीए धन्वंतरी पुरस्कार’ देऊन जिल्ह्यातील विविध तालुक्यांमध्ये कार्यरत १५ डॉक्टरांचा गौरव करण्यात येणार आहे:
करवीर – डॉ. शिवाजी मगदूम
पन्हाळा – डॉ. नितीन माने
शाहुवाडी – डॉ. सुभाष पाटील
हातकणंगले – डॉ. राजेश कुंभार
शिरोळ – डॉ. सुहास कांबळे
गडहिंग्लज – डॉ. किरण खोराटे
चंदगड – डॉ. सुभाष पाटील
आजरा – डॉ. प्रविण निंबाळकर
भुदरगड – डॉ. सचिन सुतार
राधानगरी – डॉ. अमित काळेबेरे
गगनबावडा – डॉ. शरद पाटील
कागल – डॉ. रवींद्र मगदूम
निगवे खालसा – डॉ. बाबुराव पाटील
पुनाळ – डॉ. श्रीनिवास चोपडे
सांगरूळ – डॉ. प्रकाश पाटील
विशेष सन्मान:
जीवन गौरव पुरस्कार – डॉ. वसंत पाटील (बालिंगे)
विशेष सन्मान – डॉ. राजकुमार पाटील, डॉ. बद्रुद्दीन मणेर, डॉ. प्रिया पाटील
डॉ. अशोक रणदिवे यांनी सांगितले की, “ग्रामीण भागातील रुग्णांशी निःस्वार्थपणे जोडणारे डॉक्टर समाजासाठी प्रेरणा आहेत. त्यांच्या कार्याचा सन्मान करणे हीच आपली सामाजिक जबाबदारी आहे.”
हा उपक्रम फक्त पुरस्कार वितरणापुरता मर्यादित नाही, तर ग्रामीण आरोग्यसेवेतून समाजाच्या विकासाला मिळणारा योगदान उजळवणारा ठरेल, असा विश्वास असोसिएशनला आहे.
आज झालेल्या पत्रकार परिषदेला असोसिएशनचे अध्यक्ष डॉ. अशोक रणदिवे,कार्याध्यक्ष डॉ. संजय केटकाळे, उपाध्यक्ष सुनील देसाई, सचिव डॉ. बद्रुद्दीन मणेर,खजानिस अनिल कांबळे,माजी अध्यक्ष डॉ. सरदार पाटील आदी उपस्थित होते
