स्वामी समर्थ पादुका पूजन सोहळा उत्साहात; भक्तांची मोठी उपस्थिती
.jpg)
कोल्हापूर २६ प्रमोद पाटील
वीरविनायक नगर, गाडगीळ कॉम्पलेक्स, पाचगाव येथे आयोजित करण्यात आलेल्या स्वामी समर्थ पादुका आणि फोटोपूजन सोहळ्याला भक्तांचा उत्स्फूर्त प्रतिसाद लाभला. श्रद्धा, भक्ती आणि आध्यात्मिक वातावरणात हा सोहळा मोठ्या उत्साहात पार पडला.
गुरुवार दि. २६ मार्च २०२६ रोजी दुपारी १२.०० ते ३.०० या वेळेत महाप्रसादाचे आयोजन करण्यात आले होते. या महाप्रसादाचा लाभ घेण्यासाठी परिसरातील भाविकांनी मोठ्या संख्येने उपस्थिती दर्शवली.
या कार्यक्रमाचे आयोजन पोलीस मित्र असोसिएशनच्या महिला जिल्हा अध्यक्षा श्रीमती स्वाती प्रकाश किल्लेदार यांनी केले होते. कार्यक्रमास प्रमुख पाहुणे म्हणून मा. श्री. ऋतुराज संजय पाटील (माजी आमदार, दक्षिण मतदार संघ) तसेच मा. श्री. संग्राम पाटील (जि.प. सदस्य, कोल्हापूर) उपस्थित होते.
यावेळी पत्रकार असोसिएशनचे अध्यक्ष डॉ. युवराज मोरे, संपर्कप्रमुख रविराज कांबळे, कार्याध्यक्ष **अनिल पाटील**, तसेच **अविनाश शेलार** यांच्यासह **स्नेहा कमलेश कडोलकर, प्रीती प्रकाश सूर्यवंशी, दिपा सूर्यवंशी, समृद्धी वानखेडे, अजिंक्य पाटील** आदी मान्यवर व नागरिक मोठ्या संख्येने उपस्थित होते.
संपूर्ण कार्यक्रम भक्तिमय वातावरणात पार पडत स्वामी समर्थांच्या जयघोषाने परिसर दुमदुमून गेला.
